Sən bu qara sevdalardan,

Sən bu qara sevdalardan, Heç ağ düzəldə bilmədin.. Demişdin ki,düzəldəcəm, Ancaq,düzəldə bilmədin..

Düşdün o şah xəyallara, Uşaq-uşaq xəyallara, Amma uzaq xəyallara, Uçaq düzəldə bilmədin.

Vur ağzımdan yalan desəm, Bu haq-divan,bu mən,bu sən.. Məni sənə qurban kəsən, Bıçaq düzəldə bilmədin.

Gəlmişdi sənə əlaca, Eşqim quşuydu,alaca.. Ona qəlbində balaca- Bucaq düzəldə bilmədin..

Yığılmadım yollarından, Sağlarından-sollarından, Niyə mənə qollarından, Qucaq düzəldə bilmədin...