Hələ tamam üzməmişik,

Hələ tamam üzməmişik, Aradabir görüşürük.. Beş gün olur,on gün olur, Bitir səbir,görüşürük.

Sökülmədi danım mənim, Fəna axdı qanım mənim, Görüşürük canım mənim, Ahu-bəbir,görüşürük..

İllər yorur ləngləşirik, Süstləşirik,təngləşirik. Demə nə bir zəngləşirik, Demə nə bir görüşürük..

Mən keçmədim,sən keç görüm, Bir gördümmü ki,beş görüm.. Aramızda bir eşq ölüb, Qəbir-qəbir görüşürük..