Seyrək yerdə boşa çıxır,

Seyrək yerdə boşa çıxır, İmkan tapıb sıxa vuraq. Haq yolundan dönməzlər ki, Nıx" dediksə,nıx"a vuraq.

Kimə deyək sözümüzü, Silən yoxdu gözümüzü, Heç olmasa özümüzü, Vur"a vuraq-yıx"a vuraq.

Tanrı,nə var üstümə yaz, Bir ürək çox- bir ürək az.. Bundan bizə ömür olmaz, Gəl,bu ömrü çıxa vuraq.

Addım-addım,bacaq-bacaq, Qədirbilən dosta acaq.. Görək harda qırılacaq, Nala vuraq-mıxa vuraq..