Mən bu eşqi neçə dəfə

Mən bu eşqi neçə dəfə Öldürdüm nəşi böyüdü. İki bulud arasında, Yenə günəşi böyüdü.

Uzandı boyunu kəsdim, Çoxaldı,soyunu kəsdim, Yemini-suyunu kəsdim, Böyüdü,əşi,böyüdü.

Andım-amanım qurtardı, Doymadı,qanım qurtardı, Birindən canım qurtardı, Yerində beşi böyüdü.

Yazdım əbəs-pozdum əbəs, Səsim saldı aləmə səs, Görən baxıb dedi ki,bəs, Bunun da işi böyüdü.

Könlü yaşıl budaq qaldım, Xəyanətdən uzaq qaldım, Ömrü boyu uşaq qaldım, Dərdlərim kişi böyüdü..