Çox demirəm,eşq bir azca,

Çox demirəm,eşq bir azca, Pullu- paralı yaxşıdı. Kefin kök olandan sonra, Eşqin hər halı yaxşıdı.

Var yağımız, var balımız, Gülür üzə yığvalımız, Şükür olsun, əhvalımız, Yara varalı, yaxşıdı.

Düşünürəm içə-içə, Bir şey deyil çox iç-içə, Yar özü də beş-on küçə, Olsa, aralı, yaxşıdı..

Qoy çırpınsın ürək oxda, Mən toxdadım, sən də toxda, Dərd eləmə həkim, çox da, Könül yaralı yaxşıdı..

Düşdün suya, düşdün selə, Heç vermədin ömrü yelə, Arabaçı, ömür, elə, Ağlı-qaralı yaxşıdı..