Sünbül saçlarına çağır əlimi,

Sünbül saçlarına çağır əlimi, Vəl elə, vəl elə, vəl elə gəlim. Eşqimi sinəndə gövhərə çevir, Ləl elə, ləl elə, ləl elə gəlim.

Çıxmışam nə vaxtdı ağıldan-huşdan, Birbaşa ox kimi sinəmə tuşdan, Gücü səndən alım, qanadı quşdan, "Gəl elə", "gəl elə" , "gəl elə" , gəlim.

Bilirəm ağzımın dadını əlbət, İçdikcə doyulmaz sən adlı şərbət, Çox yox ey, balaca əlini tərpət, Əl elə, əl elə, əl elə, gəlim.