hədəf bəlli olsa da,

hədəf bəlli olsa da, heç nə yoxdu atmağa. elə ona görə də, davam edək yatmağa.

olsun də gün-güzəran, qan olsun-irin olsun. təki bizim yuxumuz, şirindən-şirin olsun.

dərdi-dərdə calayıb, qəmi-qəmə düzməyək. axırı yaxşı olar, özümüzü üzməyək.

başımızı qoruyaq, ucuz söz davasında. gedir toy danışığı bu matəm havasında.

qoyaq bəxti-taleyi, bir ahın ümidinə. buraxaq hər nə varsa, Allahın ümidinə.

qəpik-quruş kimiyik, hərə bir şeydən çıxır. Allah sandığmızın, içindən şeytan çıxır...