Bu döydüyüm qapıların,

Bu döydüyüm qapıların, Yüzündən biri açılmır. Elədiyim günahların, Üzündən,biri açılmır.

Şahı mənəm kababların, Savabı yox savabların, Mən bildiyim cavabların, Düzündən biri açılmır.

Hamı uzaq,hamı sərin, Köks ötürdüm dərin-dərin, Dərd vurduğu düyünlərin, Özündən biri açılmır.

İstək hamar,həyat coddu... Söndü könlüm oddu-oddu, Bu nə dildi,bu nə koddu, Sözündən biri açılmır.

Sor halımı,sor bəxtimi, İçindəyəm tor bəxtimin, Kor eşqimin,kor bəxtimin, Gözündən biri açılmır..