Yağlı boyunlara kiriş tapmıram,

Yağlı boyunlara kiriş tapmıram, Söhbətə heç cürə giriş tapmıram, Qulpundan tutmağa bir iş tapmıram, Ağrıyır yatmaqdan yanımın canı.

Yığsam da zallardan yağlı çəpiklə, Ölçülür dəyəri beş-üç qəpiklə, Uçulub dağılır bircə təpiklə, Ucuz şöhrətimin, şanımın canı..

Vurun zəncirlərə, taxın şişlərə, Qoşuldu səylərə, görməmişlərə, Bulaşdı bir para sarsaq işlərə, Qalmadı adımın sanımın canı.

Nəyə əl qoydum ki, qannan-iliknən, Həyatdan "beş"umum hansı biliknən, Elə bu, elə bu... Bu mütiliknən, Qoy çıxsın, beləcə canımın canı..

Məni ruhdan soruş, sorma bədəndən, Olsa xəbər yolla gəlib-gedəndən Haqq sözü dilimdə bayraq edəndən- Gedib ey, gedib ey, qanımın canı..

Nə zər tut, əlindən nə zər sal, qaqa, Hər gözdə bir dənə Xəzər sal, qaqa, Arada bizə də nəzər sal qaqa, Sən o yanındakı xanımın canı...