Üç aya-dörd aya gəlib keçəcək,

Üç aya-dörd aya gəlib keçəcək, Uzadıb-uzadıb ilə gətirmə. Canımı qoymağa yer tapammıram, Çiləmin üstünə çilə gətirmə..

Kirkidnən,həvəynən bacarırıqmı, Oğulnan-nəvəynən bacarırıqmı, Bir görək dəvəynən bacarırıqmı, Söhbəti şappadan filə gətirmə..

Bu ömrün əzəldən kökü əzabdı. Bir üzü iynədi,bir üzü sapdı.. Mənimki Tanrıynan şəxsi hesabdı, Mənim dərdlərimi dilə gətirmə.