Ölsəm yazığın gələrmi,

Ölsəm yazığın gələrmi,Qaçarmı üzünün rəngi..Səslənərmi qulağında,Sonuncu telefon zəngi..

Əriyərmi saçlarımda,Əllərin bir ovuc qartək.Titrəyərmi dodaqların,Qızdırmalı adamlartək.

Ölsəm qəfil,ciddi-ciddi,Küskün könlün barışarmı,Adamların göz yaşına,Göz yaşların qarışarmı.

Varmı başqa bir cəhənnəm,Bu dünyanın üstü kimi.Baxışların son mənzilə,Sürünərmi tüstü kimi.

Külək hərdən xəyalımı,Pəncərənə daşıyarmı...Məndən qalan xatirələr,Məndən sonra yaşayarmı..