Mənim də şəklimi çək,

Mənim də şəklimi çək, Bir az süst, bir az yorğun, Bir az yuxulu ömür. Şamın içindən çıxan son nəfəs kimi titrək, Yanıq qoxulu ömür.. * * *

Bir dənizdir, bir də mən, Bir də ki, martılardır.. Yox, bu səssizlik deyil. Qəlbimin divarına damar-damar çəkilib, hopmuş hayqırtılardır..

* * * Məna yetimliyi var, Sözdə, ürəkdə, qanda. Yarpaqların səsini eşitmək istəyirəm.. Yağış damcılarıyla öpüşdükləri anda.

* * * Üzür məni indidən vaxtı çatmamış kədər. Vaxtın damarlarından qan almaq istəyirəm, Səni sevdiyim qədər. * * * Bir albom düzəltmişəm, sənli xəyallarımdan. Ah bu yalançı jestlər.. Sənə güzgümsən dedim, mahiyyətimi göstər..