Düzünə çatammıram,

Düzünə çatammıram, Yolların sağ-solludu.. Vüsalının mənzili, Min mil uzaq yolludu.

Ömrün iki üzü var, Canavar var, quzu var, Sənə aid arzular, Qanadlıdı-qolludu..

Düzdü çəm-xəm eləyir, Amma məlhəm eləyir, İçdikcə dəm eləyir, Eşqin çox alkolludu..

Sözümdə çox netmişəm, Köhnə işdən getmişəm, Evi təmir etmişəm, Bir otağı polludu..

Qumdan-gildən gəlirəm, Gülə, güldan gəlirəm, Məcnungildən gəlirəm, Üstüm-başım kolludu.

Baxır qıyqacı, vermir, Var bir əlacı vermir, Elə çox acı vermir, Həsrətin mentolludu..