Daha təmiz söhbətə,

Daha təmiz söhbətə, Üzürxahlıq qalmayıb. Dərisini soyublar, Haqda haqlıq qalmayıb.

Sinəsi şuma dönüb, Daşdəmir muma dönüb, Ovulub quma dönüb, Dağda dağlıq qalmayıb.

Hər tərəf mərdimazar, Köhnə nırx-köhnə bazar, İynə-dərman,dərd-azar, Canda sağlıq qalmayıb.

Məktub var krallıqdan, Yarıyan var lallıqdan, Bal çıxıbdı ballıqdan, Yağda yağlıq qalmayıb.

Dara-bara yaxşıdı, Olsa para,yaxşıdı, Yenə qara yaxşıdı, Ağda ağlıq qalmayıb.

Nədi bu taqqaturaq, Ömrü neçəyə quraq, Götür bunu da vuraq, Daha sağlıq qalmayıb.