Dağ çayı..

Sahilində durmuşam, Tutqun bir xəyal kimi dağ çayı.. Niyə belə susmusan Qabağımda lal kimi, dağ çayı..

Başı cilov görməyən, Bir köhlən at misalı dağ çayı. Yerə-göyə sığmırdın, Dəclə-Fərat misalı dağ çayı...

Coşdururdu zirvədən, Əridikcə qar səni dağ çayı. Qarğıyırdı o ki,var, Qoca arvadlar səni dağ çayı.

Qabağına çıxana Dəli kimi baxırdın dağ çayı. Qayaları qopardıb Qanlı-qanlı axırdın dağ çayı..

Elə bildin kefdəsən Qaçdın dənizə sarı dağ çayı. Unutdun güc aldığın Balaca bulaqları dağ çayı...