Bircə-bircə yaddan çıxır,

Bircə-bircə yaddan çıxır, Qohum-qardaş, yaddaşırıq. Elə bil ki, qəlbimizdən, Asılır daş, yaddaşırıq..

Düşünürəm hey, bu haqda, Salam saxta, kəlam saxta, Boynumuza almasaq da , Vallah qardaş, yaddaşırıq.

Nə şum birik, nə dən birik, Gələmmirik, gedəmmirik, İstəsək də edəmmirik- Zamanla baş, yaddaşırıq.

Görünsək də boyumuz şax, Zaman əyir yumşaq - yumşaq Ögeyləşir oğul-uşaq, Keçdikcə yaş, yaddaşırıq..

Hərə düşür bir tuzağa, Kim yaxına, kim uzağa, Dönüb tək-tək yalquzağa, Yavaş- yavaş yaddaşırıq.